Ginpaanggud ni Bacolod Traffic Authority Office (BTAO) head, Patrick S. Lacson, ang ciudad sang Bacolod sa pungsod sang America sa gin-issue nga memo tuhoy sa traffic enforcers nga may yara sang quota nga 5 ka apprehension tagsa ka adlaw, kag kon indi matuman, sila ang igapaidalum sa disciplinary sanctions.
Sa interview sang DYHB kay Lacson, ginsiling sini nga sang nag-eskwela ini sa pungsod sang America nakita niya nga successful kag epektibo ang implementasyon sang quota system sa dalanon didto, amo nga luyag man niya kuntani i-implementar ini sa ciudad.
Suno kay Lacson, madamo sang mga nagareklamo sa mga traffic enforcers nga ginapabay-an ang pila ka mga violators mga motorista sa dalan, rason nga gin-issue niya ang amo nga memo.
Dugang pa sini, luyag niya nga makita nga seryusohon sang traffic enforcers ang ila nga trabaho sa dalan kag indi pagpawalaan ang mga violators.
na man ini mga may kasaypanan sa memo nga gin-issue kag wala mayo naplastar hilabi na nga wala niya ini napresentar sa opisina ni Mayor Albee Benitez.
Sa karon gin-withdraw na ang amo nga memo, apang liwat ini magapresentar sa opisina ni Mayor Benitez kag maga-issue sang bag-o nga memo nga kaangid sini, bangud nagapati ini nga kung may yara sang patakaran kaangay sini seryusohon sang mga enforcers ang ila trabaho, kag posible nga ang mga pumuluyo ang magalikaw man sa pagahimu sang violation kun makita nga strikto ang mga enforcers.
