BACOLOD CITY- Dakop ang isa ka miyembro sang Caunda Drug Group sa ginpatigayon nga buybust operation sa Purok Kawayan, Barangay 28, Bacolod City, las-10:22, Abril 20, adlaw sang Sabado.
Base sa rekord sang Bacolod Police Station 6, ang subject sa buybust operation amo si Raffy Cawaling, residente sa amo nga lugar, kag isa man ka anay preso sa kaso angot sa illegal nga droga.
Nakompiskar kay Cawaling ang kapin tatlo ka gramo sang ginapatihan shabu nga may street drug price nga P20,400.
Ang suspetsado ang nahunong sa karun sa Police Station 6 kag magapangatubang sa kaso nga paglapas sa Sections 5 kag 11, Article II sang RA 9165.
