SIPALAY CITY- Yara sa paghinakop sang Sipalay City Social Welfare and Development ang duha sa lima ka mga mag-ulutod nga biktima sa gina-alegar pagpanghimulos sang ila amay kag ginalakipan sang ila bugtong nga utod nga lalaki.
Base sa interview sang DYHB kay Ivy Lynn Gallenero, head sang Sipalay CSWDO nga Sabado, Abril 20 nila ginkuha ang mag-ulutod dala ang ila mga tagsa ka pamilya padulong sa crisis center agod masiguro ang ila siguridad batok sa alegasyon nga sila ang ginapahog sang ila amay.
Ginpakamaayo sa karun nga sila ang temporaryo nga ginkustodiya samtang ginahulat ang posible nga dugang nga complaint sang tatlo ka mag-ulutod nga nangin biktima man sa gina-alegar nga pagpanghimulos kag nagapadayon nga pagfile sang kaso.
Dugang pa ni Gallenero, nga plano nila nga mahatagan sang livelihood program ang amo nga mag-ulutod kag temporaryo nga i-modular lamang ang mga kabataan samtang yara ini sa ila paghinakop.
Sa bahin sa ila pag-istoryahanay sa amay sang mga biktima, iya ginpanginwala ang pagpamahog sa mga kabataan sini.
