Nagpadulong si Imelda Tadena, 54 anyos sa program sang DYHB nga Sentro Serbisyo agud ipadangat ang iya concern angut sa mato-mato nga pagdisconnect sang asosasyon sang Makasa sa iya balay.
Suno kay Tadena, ang nasiling nga home owners association gina-updan niya man sadto apang, ginkakas ini bangud kay pirmi siya nagapamangkot kada meeting.
Pahayag pa sini nga karon, ginapetisyunan siya sang asosasyon nga maghalin na sa lugar.
December 28, 2023 pa sang ginaalegar gin utdan kuryente si Tadena kag asta karon, wala ini matakdan balik.
Isa sa mga gina kwestyun ni Tadena sa asosasyon amo ang submeter nga ginabasehan sang ila mga bill.
Suno pa diri nga ang tag-iya sang kontador amo ang pamilya Nicavera kag kapin 157 sila ang naga tap lang.
Sa pihak nga bahin, ginpahayag naman sang General Manager sang Central Negros Electric Cooperative nga si Atty. Arnel Lapore nga ang isa ka subdivision ang naga apply para sa electrical permit diin gina check man ini una sang Office of the Building Official (OBO).
Dugang pa, paga imbestigahan man sang CENECO ang ini nga alegasyon.
