BACOLOD CITY – Nagsugod na kahapon, Abril 22 ang Bayad Agad program sang city government sang Bacolod para sa Assistance to Individuals in Crisis Situations (AICS) sa pagpanguna sang Department of Social Services and Development (DSSD).
Una nga nakabaton sang ayuda amo ang mga survivors sa natabo nga sunog sa Brgy. 18 sang nagligad nga Abril 13.
Nahibaluan nga ang Bayad Agad program ang para sa mga pumuluyo sang ciudad sang Bacolod nga nagakinahanglan sang financial assistance para sa medical, burial, disasters kag calamities.
Tinituyo sang programa nga gilayon makabaton sang bulig pinansyal ang mga pumuluyo nga nagakinahanglan sa amo man mismo nga adlaw indi kaangay sang mga nagliligad nga nagahulat pa pila ka semana ukon binulan antes ma-release ang financial assistance.
