BACOLOD CITY – Tatlo na ang nagkaladakpan sa Area of Responsibility sang Bacolod Police Station 4 nga nagapang-bandalismo sa bulan sang Marso kag Abril sa dalan Burgos sakop sang Brgy. 20 ciudad sang Bacolod.
Base sa pahayag ni Police Captain Francis Depasucat, sadtong Marso 2, 2024 natigayon nga madakpan ang duha ka mga lalaki nga ginkilala nanday Kenneth Cioco, 32-anyos, residente sang Purok Arao, Brgy. Vista Alegre kag Daniel Almores Jr. Undos, 21-anyos, residente sang Villa Lucasan, Brgy. Mandalagan sa amo nga ciudad. Sila ang natigayon nga gin-filan sang regular case nga Anti Vandalism Ordinance of Bacolod City sadtong Biyernes, Abril 19.
Samtang sadtong Abril 19, dakop man ang isa ka Filipino-American pinaagi sang Mobile Patrol Unit sa pareho nga lugar. Ginkilala ini kay Jean Clifford Rabinowitz, 30-anyos, single, wala sang trabaho, temporaryo nga nagapuyo sang Rosario Heights,Brgy.Taculing.
Dugang ni PCapt. Depasucat, nakapiyansa na si Rabinowitz sang kapin P1,000. Nagpasalig ang station commander nga padayon ang ila pagbantay kontra bandalismo.
