INDIA – Sin-o bala ang indi luyag maka kwarta bisan pa wala ka sang gina ubra?
Pungko kag humlad ka lang sang imo palad, baw! sobra pa sa empleyado sa opisina ang ginaganar mo.
Si Bharat Jain sang Mumbai, India ang karon ginakilala bilang pinakamanggaranon nga manogpakalimos sa kalibutan diin ang net worth sini ang yara sa $1,000,000.
Si Jain ang karon naga edad na sang 54 kag siya ang nagapakalimos halin pa sang 14 anyos ini.
Suno sa iya, nagapakalimos siya sa mga kilala gid nga lugar sa Mumbai agud dako ang iya makolekta nga kwarta.
Siya ang maka-income sang 2,000- 2,500 rupee kada adlaw diin nagatrabaho ini sang 10-12 hours a day.
Apisar sa iya simple lang nga itsura, si Jain ang nagapanag-iya sang sang isa ka property sa Mumbai diin ini nagapuyo upod ang iya asawa, duha ka anak kasubong man ang iya isa ka utod kag amay.
Ang iban nga miyembro sang iya pamilya ang nagapalakat man sang isa ka stationery store duha ka mga shop.
Ang pamilya sini ang naga-ayo man kay Jain nga mag untat na sa pagpakalimos apang siya mismo ang luyag pa magpadayon bangud kay iya na ini nakabig nga lifestyle.
Pahayag sini nga indi man siya dalok, bangud kay nagadonar man ini sa mga templo kag charities.
