WORLD NEWS-Nagapanawagan ang United Nations nga imbestigaran ang mass grave nga nadiskubrihan sa duha ka mga dalagko nga ospital nga gin-atake sang Israel.
Base sa pahayag ni UN Spokesman Stephanie Dujarric, nga nagakadapat nga may access sa amo nga lugar ang mga ginasaligan nga imbestigador kag pahanugutan nga makatrabaho nga may seguridad ang mga media entity sa Gaza agod ibalita ang kamatuoran nga nagluntad sa amo nga insidente.
Ini ang nadesisyunan sang UN matapos nga ginpahayag ni UN Human Rights Chief Volker Türk nga ini ang nahadlok sa gindangatan sang Shifa Medical Center sa Gaza City kag Nasser Hospital sa Sur nga bahin sang Khan Younis, amo man ang pagkadiskubre sang mass graves sa palibot sang mga ospital matapos nga nagbiya ang pwersa sang Israel sa amo nga lugar.
Samtang, suno sa Israeli military nga ginkutkot sang mga Israeli forces ang mga bangkay sang mga Palestinians nga ginlubong sadto bilang kabahin sang pagpangita sang mga hostages nga ginkuha sang Hamas sa tunga sang kinagamo sadtong Oktubre 7, 2023.
Suno sa Palestinian Civil Defene sang Gaza sadtong Lunes, nga yara sa kapin 273 ang bangkay nga nadiskubre sa temporaryo nga burial ground sa sulod sang main hospital sa Khan Younis nga ginpatukod sang Israeli forces.
