Gin-extend ni President Ferdinand R. Marcos Jr. ang employment sang mga contract of service (COS) kag job order (JO) workers nga nagatrabaho sa gobyerno.
Ang mga kontrata sang COS kag JO ang maga expire na kon tani sa bulan sang Disyembre sini nga tuig.
Ang ini nga desisyon sang presidente ang nag gwa matapos ang ila sini sectoral meeting kaupod ang Department of Budget and Management, Department of Interior and Local Government, Civil Service Commission kag Commission on Audit sa Malacañang kahapon, Abril 24.
Si Marcos ang nagmando man sa mga government agencies nga i-develop ang skills kag abilidad sang mga COS kag JO workers pinaagi sa pag reeducate kag pagpaidalom sa mga ini sa training nga giyahan naman sang mga institusyon nga nagabulig sa ila makapasar sa civil service examination.
Dugang pa, luyag sang presidente nga tun-an sang mga agency ang estado sang government workforce labi na sang mga COS kag JOs.
Pahayag sini, “Pag-aralan natin, just look at the numbers, the data on average, government agencies. How many of their employees are contractual?”
“How many items are in their plantilla proper are not filled?. How many are contractual as a percentage of the total number of employees? Kasi the percentages are one of the most important. Then titingnan natin is average. [It will] give us an idea how people are using the system,” dugang pa ni PBBM.
Magsiling kita COS ini ang mga serbisyo nga gina hatag sang mga indibidwal sa private firm, government kag non-government agencies, mga consultant sang international organization, learning service provider ukon technical expert nga nagabaton sang special project ukon trabaho nga kinahanglan lang sa specific nga oras ukon panahon .
Samtang ang JO naman amo ang mas kilala sa tawag nga (pakyaw), makabig nga intermittent ukon emergency jobs nga kinahanglan sang isa ka agency sa malip-ot lang nga tini-on.
