SIPALAY CITY – Nakasubmit na sang Sipalay City Police Station ang mga dokyumento nga kinahanglanon sa Prosecutor’s Office natuhoy sa gina-alegar pagpanghimulos sang amay sa iya mga kabataan.
Base sa interview sang DYHB kay Police Lieutenant Colonel Fernando Somblingo, Acting Chief of Police sang Sipalay PNP nga, Biyernes nga adlaw, Abril 26 ila na napasa ang mga kinahanglanon nga papeles apang ini ang ipaidalom pa sa preliminary investigation.
Sa karun yara lamang sa duha ka mga complainant ang nagreklamo sa lima ka mga kabataan nga gina-alegar ginhimuslan sang ila amay.
Apang sa karun sa yara sa gihapon sa paghinakop sang Sipalay City Social Welfare and Development ang duha sa lima ka mga mag-ulutod nga biktima sa gina-alegar pagpanghimulos sang ila amay kag ginalakipan sang ila bugtong nga utod nga lalaki.
