SAGAY CITY – Patay ang isa ka pulis matapos ini nga natiruhan sang iya pito katuig nga anak sa Purok Eba, Brgy Andres Bonifacio, Sagay City las dos kaina sang hapon, Abril 27.
Ang biktima ang ginkilala kay PSSg Lernie Archa, 44 anyos, naka assign sa Sagay City PNP.
Sandig sa imbestigasyon sang kapulisan, samtang nagapanyaga ang biktima, live-in partner sini kaupod ang ila anak nga Child in Conflict with the Law (CICL) kag isa pa ka adopted son sini nga 12 anyos nga lalaki, hinali lang naglalisanay ang biktima kag live-in partner sini.
Sandig sa alegasyon sang 12 anyos nga adopted son nga karon witness man sang insidente, nakita sang iya amay nga madamo sang naga follow sa tiktok account sang iya iloy amo kon ngaa nagpanghimon sini.
Didto nagsulod sa kwarto ang biktima kag partner sini kag nagpadayon sa pag lalisanay diin nagpamahog pa ang biktima nga utason sini ang iya kaugalingon nga kabuhi, siya ang ginpunggan man sang iya live-in partner kag nag inagaway pa sang isa ka wala mahibaluan nga butang sa sulod sang ila kwarto.
Didto nagsulod na ang bata sa kwarto sang iya ginikanan kag ginkuha ang service firearm sang iya amay nga Glock 17 pistol caliber 9mm halin sa box kag ginpalupok ini.
Igo sa liog ang pulis nga gintunaan sang iya madasig nga kamatayon.
Padayon sa karon ang imbestigasyon sang kapulisan angut sa natabo nga insidente
