WORLD NEWS- Ginbulgar sang Israel nga ila iga-plastar ang panibag-o nga agreement sini sa Hamas para sa prisoner swap kag ceasefire sa Gaza strip.
Kadungan sini, nag-convene ang Israel security cabinet para masuguran ang panibag-o nga inisiyatibo para sa pagpahilway sang mga hostages nga yara sa Gaza.
Nagpresentar ang Israeli negotiators kay Prime Minister Benjamin Netanyahu kag sa kabinete sang panibag-o nga plano nga iga-plastar sa Hamas, pinaagi sa mediators.
Indi pa opisyal nga gin-anunsiyo ang bag-o nga inisiyatibo apang ini ang napahayag nga sa idalom sini, gin-demand sang Israel nga pahilwayon sang Hamas ang masobra 20 ka mga hostages sang Israeli nationals.
Posible nga indi kabahin sini sa deal ang pagpahilway sa 40 ka mga hostages nga gin-ayo sang Israel sang tinalikdan nga mga sinemana.
Sa baylo sini, plano pa nga hibaluon ang eksakto nga numero sang mga Palestinian prisoner nga igahilway naman nagikan sa bahin sang Israel.
