SIPALAY CITY— Naandan na sang kadam-an sa aton nga maghulog-hulog coins para maka-access sang internet sa mga wifi vendo machine, diin ang piso mo nga hulog, sarang kana makagamit sa social media apps mo sa sulod sang lima ka minuto.
Diri sa ciudad sang Sipalay, ang isa ka IT student ang nag ubra sang machine diin indi kwarta ang ihulog mo para maka WiFi, kundi plastic bottle!
Ang nasiling nga machine ang ubra ni Wesley Hans Platil isa ka IT Student kag residente sang Barangay 5, Sipalay City.
Ang ini nga machine ang kabahin sang iya Capstone Project sa college diin iya ini gin-utihan kag gin mano-mano ubra sa sulod sang anom ka bulan.
Simple lang ang imo ubrahon, maghulog kalang sang imo nga plastic bottle sa ini machine kag insigida maka connect ka na sa wifi.
Sin-o bala ang maghuna-huna nga ang mga plastic nga inoghaboy na, mapuslan pa. Grabe ang pagka environment friendly!
|via Wilson Villena, photo used with permission
