BACOLOD CITY- Plano nga mag-take over sang 30 nga mga operators nga nagpa-consolidate sang modernized jeepney batok sa Cebu Peoples Multi-Purpose Cooperative.
Sa interview sang DYHB kay Jimmy Sompreque, chairman sang cooperative sa Bacolod Chapter, ginpahayag sini nga 24 ka mga units loop Fortune Towne to Central Market nga modernized jeepneys ang wala ginpahanugotan nga magbyahe subong nga adlaw.
Suno kay Sompreque, gingamit lamang sang coop ang ila nga franchise sa pagpa- consolidate agud matigayun ang Cebu Peoples Multi-Purpose Cooperative sa ciudad, gani indi nila pagpagwaon agud magbyahe ang amo nga mga unit kon indi sila pagatubangon sang pamunuan sang kooperatiba.
Madumduman nga nagreklamo ang amo nga mga operators batok sa ginsudlan nila nga cooperative para sa jeepney modernization program sa ciudad bangud halin sang nagsulod sila sa coop wala sila may nabaton nga incentives kag indi man klaro kon ano ang ila nga papel diri.
