Aprubado na sa Committee on Public Services sa Senado ang House Bill 9805 ukon paghatag prangkisa sa Negros Electric and Power Corporation (NEPC).
Sa tunga sang impact sang El Nino, nag-sponsor sang local bills si Sen. Grace Poe agod hatagan sang legislative franchises ang mga power distribution utilities sa probinsiya sang Leyte, Romblon, kag Negros Occidental.
Sini nga Abril 29, 2024, ginduso ni Sen. Poe, chairperson sang Committee on Public Services ang approval sang House Bill Nos. 6295, 9154 kag 9805 sa plenary session.
Ini nga mga prangkisa ang para sa Leyte II Electric Cooperative (LEYECO II), Romblon Electric Cooperative (ROMELCO), kag NEPC.
Suno kay Sen. Poe, ini na ang insakto nga tion agod ipresentar ang mga measures agod masiguro ang access sang mga kunsumidor sa barato, masaligad kag sustainable energy ilabi na sa malapnagan nga brownouts sa pungsod.
