ANTIQUE – Giintapungol ni Tobias Fornier Municipality Mayor Ernesto Tajanlangit si Vice Mayor Jojo Fornier bangud sang agaway sa kon sin-o ang managtag sang food packs gikan sa probinsya sang Antique.
Nag-ugat ang tensyon sa tunga sang duha sa kon sin-o ang maga-distribute sang food pack nga gikan sa Provincial Social Welfare and Development Office (PSWDO) nga gin-request sang Vice-Mayor sa amo nga ahensya.
Ginpahayag ni Mayor Tajanlangit, gin-angkon ni Fornier, ang food packs bangud halin ini kay Governor Rhodora Cadiao kag nagapati ini nga bilang alkalde dapat siya ang managtag sini sa mga pumuloyo sang banwa.
Apang, suno naman kay Cadiao, nagpangayo sang family food packs sa iya si Fornier para ipagahatag sa mga pumuluyo.
Bangud sang natabo, ginbalik sa PSWDO ang gin-agawan nga food packs nga ipanagtag kon tani sa mga biktima sang El Niño sa amo nga banwa.
