ILOG- Patay ang isa ka 44-anyos nga lalaki matapos nga ginbuno sang senior citizen sa Sitio Malabong, Brgy. Andulauan, Ilog, las-7 sang aga, Abril 28, 2024.
Ginkilala ang biktima nga si Rey Arroz samtang ang suspek amo si Romeo Ilagison, 74-anyos kag lunsay residente sang nasambit nga lugar.
Sa interview sang DYHB kay Police Major Joseph Partidas, hepe sang Ilog Municipal Police Station, sunluganay lamang ang ginhalinan sang krimen. Suno sa hepe, ang suspek naghambal nga nalipay ini nga nagbata sang babayi ang iya nga asawa. Nagsabat naman ang biktima nga iya man pabusungon ang iya asawa agod nga makabata man sila sang babayi.
Kasunod sini, naglakat ang suspek kag ginhambalan ang biktima nga hulaton siya magbalik. Pagbalik sang suspek iya na ginbuno ang biktima sa dughan kag kamot nga gintunaan sang kamatayon sini. Naaresto naman ang suspek kag ginpasakaan kaso nga homicide.
