BACOLOD CITY- May person of interest na ang Bacolod City Police Station 7 sa pagluthang-patay sa isa ka gina-alegar notoryus nga kawatan sa DC 3, Lot 3, Block 3, Regent Pearl Homes, Brgy. Alijis, ciudad sang Bacolod pasado las-8 sang gab-i, Abril 26.
Ang biktima ginkilala nga si JR Gamboa Maquiling, 32-anyos kag residente sang nasambit nga barangay.
Base sa pahayag ni Police Captain Andy Ofalia, Station Commander sang amo nga estasyon nga may na rekober na sila nga cctv footage sa area kun sa diin dako nga bulig ini agod matumod ang suspetsado kag amo man ang impormasyon nga ginhatag sang pamilya ka biktima.
Ginalantaw nga motibo sa amo nga krimen ang may kaangtanan sa illegal nga droga, bangod santo sa rekord sang biktima siya ang nakaagi preso sadtong tuig 2001 sa amo nga aktibidad kag si Maquiling ang may rekord man sa pagpangawat.
Sa inisyal nga imbestigasyon, isa ka suspetsado ang ginalantaw nga may kahimuan sa krimen
Madumduman santo sa pagpangusisa sang DYHB, nagbakal sa tyangge ang biktima sang ini ang ginsundan sang suspek nga nagasakay sa motorsiklo kag ginluthang. Igo sa ulo ang naangkon sang biktima.
