BACOLOD CITY- Balik biyahe na ang People’s Jeep nga may rota nga Fortune Towne- Central Market sa idalom sang Cebu People’s Multipurpose Cooperative (CPMPC) matapos nga nag unat biyahe ini kahapon sang aga, Lunes nga adlaw, Abril 29.
Base sa interview sang DYHB kay Marcelo Ochia, miyembro sang kooperatiba nga balik biyahe na ang 24 ka mga units sang modernize jeepney matapos nga ginbalabagan ini sang mga operators kaina sang aga nga magbiyahe bangod sa insidente nga ginkabig nga illegal “take over” sa management sang people’s jeep Bacolod Satellite Office.
Nagpadulong ang partido sang management sang satellite office kag mga operators sa Barangay hall sang Brgy. Estefania agod malikaan ang tensiyon, amo nga sila ang nag-inchindihanay nga ibalik ang biyahe bangod madamo sang naapektuhan nga mga pasahero sa pag-untat biyahe
Nagapanindugan ang panibag-o nga management sang satellite office nga sila na ang maga deliher sang operation sang kooperatiba bangod ini ang mando sang main office sang CPMPC sa rason nga gina-alegar nga ang pag-operate sang mga operators ang may loses sa ila nga mga income.
