Narekord kahapon Abril 30, 2024 ang ikaduha nga pinakamataas nga volcanic sulfur dioxide (SO₂) gas emission sa Mount Kanlaon sini nga 2024.
Base sa Flyspec measurements sini nga adlaw sang Negros Operations Center, may yara sang average nga 2,707 tonnes/day nga gas emission. Ini ang ikaduha nga mataas nga sulfur dioxide emission sini nga 2024 gikan sa 3,098 tonnes/day nga narekord naman sang January 19.
Sini nga 2024, ang Mount Kanlaon nagabuga sang average nga 1,300 tonnes/day sang sulfur dioxide. Nagapabilin sa Alert Level 1 ang Mount Kanlaon kag ang publiko ginadumilian sa gihapon sa pagsulod sa 4 kilometer permanent danger zone (PDZ).
