Tatlo ka mga asod-asod nga sunog ang natabo sa ciudad sang Bacolod kagab-i.
Una diri, partially damaged ang isa ka kusina sa sunog sa Mountain View Subdivision Brgy. Mandalagan las-7 sang gab-i, adlaw sang Martes, Abril 30.
Base sa nakuha nga impormasyon sang DYHB kay Rey Garcia, nagapanag-iya sang amo nga kusina, nga sila ang nakapanimaho sang aso samtang yara ini sila sa ila balay nga katupad lamang sa ila nga kusina kun sa diin diri nila gina preparar ang ila mga menus ukon pagkaon sa ila nga restaurant sa ciudad.
Ang amo nga kusina ang separado sa puluy-an sang pamilya Garcia. Ginsundan ini sang sunog sa exhaust sa kusina sang Chicken House sa corner San Juan-San Sebastian St. mga las-7:50 sang gab-i.
Suno sa empleyado sang restaurant nga si Joseph Pawaan, wala na nagdako ang sunog matapos nga gingamitan sang fire extinguisher.
May mga customer pa sa restaurant ang sunog. Gilayon naman nga nag-abot ang Bureau of Fire Protection kag napalong ang kalayo. Ginsundan pa ini sang pagkasunog sang poste sang kuryente sa Brgy. 6.
