WORLD NEWS- Nagdangat sa 24 ka mga indibidwal ang napatay matapos nga matiphag ang bahin sang Meilong expressway nga nahamtang sa kilid sang isa ka bukid sa probinsya sang Guangdong sa pungsod China, Miyerkules nga adlaw, Mayo 1.
Magluwas sa mga nagtaliwan, 30 ka iban pa ka mga indibidwal ang pilason matapos ang insidente, apang yara na ini sila sa maayo nga kahimtangan sa ospital.
Santo sa rekord sang awtoridad, may 20 tanan ka nga salakyan ang nahulog sa banglid.
Nagdangat sa 17.9 meters ang kalabaon sang highway nga natiphag, sa wala pa mahibaluan nga rason sang amo nga insidente.
Samtang may nagagwa man nga impormasyon ukon footage antes ang insidente nga may nakita nga kalayo kag aso sa idalom sang highway.
Dugang pa sina pila naman ka adlaw ang pagbubo sang mabaskog nga pag-ulan sa lugar.
