Nagapanawagan sang hustisya ang gin-dismiss nga anay general manager sang Negros Occidental Electric Cooperative (Noceco) nga si Engr. Rey Bustamante.
Sa iya nga press conference kahapon, ginpahayag ni Bustamante nga nagahulat ini sang desisyon sang Court of Appeals para sa iya nga reinstatement kag paghatag man sang iya backwages.
Madumduman nga si Bustamante ang gindismiss sa serbisyo sang bulan sang Abril sini nga tuig matapos ini una gindagdagan sang 90-day suspension sang October 2023.
Si Bustamante, anay GM man nga si Jonas Discaya kag 12 ka mga miembro sang Board of Directors nga sanday Richard Benedicto, Raymundo Tongson Jr., Reynaldo Bedaure Jr., Eduardo Benjamin Alonso, Rolito Espinosa, John Peter Millan, Elbert Magbato, Rey Ronald Cabalde, Edmund Arceo, Ma. Rama Espinosa, Allan Paul Mirasol kag nagtaliwan na nga si Jose Emeric Jabagat ang nakita sang National Electrification Administration (NEA) nga involved sa improper disbursement sang masobra P87 million nga pondo sang NOCECO.
