Negros Occidental- Opisyal na nga nagbukas ang Western Visayas Regional Athletic Association Meet 2024 nga ginapatigayon sa probinsya sang Negros Occidental, Huwebes nga adlaw, Mayo 2.
Ginabug-usan sang 5,695 tanan nga mga delegasyon nga nagikan sa mga probinsya sang Aklan nga may 847 nga mga delegasyon, Antique- 871, Capiz-973, Guimaras- 561, Iloilo- 837, kag Negros Occidental nga may 903 tanan ka mga delegasyon kag amo ang host sa kompetisyon.
Gin-welcome ni Negros Occidental Governor Eugenio Jose “Bong” Lacson kag Bacolod City Mayor Albee Benitez ang mga delasyon nagikan sa tagsa ka mga probinsya sang Western Visayas, kag mga dinapit nga bisita ilabi na ang mga government officials.
Base sa pahayag sang Regional Director sang Department of Education (DepEd) VI nga si Dr. Ramir Uytico, CESO III nga ang priyoridad sa pagpatigayon sang kompetisyon amo ang seguridad sang tanan.
Nagpanugyan si Uytico sa tagsa ka mga atleta nga sundon ang pahanumdom sang ila mga coaches kag opisyal bangod luyag sini nga mag-isa kag maghiliusa ang tanan.
Dugang pa niya nga mangin ang tagsa ka mga delegasyon nagikan sa anom ka mga probinsya nga mangin bukas kun ano ang mga concerns ukon problema nga gina-atubang bangod nagapati ini nga indi sila pagpabayaan sang host province.
Positibo ang Regional Director nga mangin madinalag-on ang pagpatigayon sang WVRAA Meet 2024 kag iya ginapangabay nga ma-maintain ang estado sang rehiyon sa pagpatigayon sang Palarong Pambansa ukon makuha ang kampyonato.
