Yara sa masobra 13 percent ka mga kabataan nga Pinoy, naga edad 10-19 years old ang natukiban naga-inom sang makahulubog nga ilimnon, base sa pagtuon sang Department of Science and Technolog – Food and Nutrition Research Institue (DOST-FNRI).
Sandig sa gintalakay nga 2021 Expanded National Nutrition Survey nakaligad lang nga Abril 30, natukiban nga sa 10-19 nga age bracket, 16% sa mga ini nga kabataan ang ginabug-usan sang mga kalalakinhan samtang 10.4% naman ang mga kababainhan.
Ang pag inom sang alcoholic beverages suno sa World Health Organization (WHO) ang isa sa mga nagapanguna nga rason sang temprano nga pagkapatay sang mga naga edad 15-50 anyos.
3,000,000 deaths kada tuig naman ang nagakapatay bangud sa mga balatian tuga sang sobra-sobra nga pag-inom.
