BACOLOD CITY- Wala sang may narekord nga major incident sa nauna nga adlaw sa pagpatigayon sang Western Visayas Regional Athletic Association Meet 2024, Mayo 3.
Base sa pahayag ni Hernani Escullar Jr., spokesperson sang Department of Education Region VI nga may narekord nga pila ka mga atleta ang napilasan kag na injured apang kabahin lamang ini sang hampang.
May naka-standby man nga medical officers, nurses, kag mga kapulisan sa tagsa ka mga billeting school kag sports venue.
Dugang pa ni Escullar, mala man sang negative effects ang init nga panahon bangod las-9 sang aga wala na sang hampang kag naga-resume las-3 sang hapon.
Ginasiguro sang DepEd VI nga naagi sa nagakaigo nga proseso ang pag-release sang mga resulta kaangay sa insakto nga pangalan sang atleta, buluthuan, kun sa diin nga probinsya nagikan, kag iban pa.
Nagapanguna sa karun ang probinsya sang Iloilo base sa gold medal tally sa amo nga kompetisyon.
