WORLD NEWS-Nagdangat na sa 55 ka mga persona ang napatay sa wala untat nga pag-ulan nga nagtuga sa pagbaha sa Sur nga bahin sang pungsod Brazil, santo sa rekord sang lokal nga otoridad sa lugar.
Dugang pa sang mga opisyal, may 74 pa ka mga persona ang missing sa Rio Grande do Sul.
Kapin 25,000 naman ka mga residente ang pilit nga ginpa-evacute sa ila tagsa ka mga panimalay sumugod sang nagluntad ang bagyo sadtong Sabado, Mayo 4.
Halos tunga sa milyon man ka mga pumuluyo ang nadulaan sang supply sang kuryente kag matinlo nga tubig.
Suno sa civil defense sang Rio Grande do Sul nga 55 ang kompirmado nga patay bangod sa pagbaha, samtang ang pito ka iban pa ang gina imbestigaran kun ang ila kamatayon ang may kaangtanan sa pagbaha sa lugar.
Masobra sa tunga sa 497 ka mga ciudad sa amo nga pungsod ang apektado sang bagyo kun sa diin may pila ka mga taytay kag dalan ang nagkalaguba.
