BACOLOD CITY – Indi nangin upang sa isa ka 10 anyos nga lalaki sa ciudad sang Cadiz ang kondisyon sini nga Phocomelia disease para makuha ang gold medal sa swimming competition sa Western Visayas Regional Athletic (VWRAA) Meet 2024-paragames.
Si Zach Lucas Obsioma ang isa ka Grade 5 student sang Special Education (SPED) Tranining Center in Cadiz City ang karon isa na ka “swimming sensation” bangud sa iya pagpanikasug nga makakuha sang tatlo ka medalya sa iya pagrepresentar sang probinsya sang Negros Occidental.
Ang phocomelia syndrome ang isa ka rare congenital anomaly diin asta lang sa hawak ang pagdevelop sang lawas ka tawo kag may gamay lang ini nga kamot ukon tiil.
Sa kaso ni Zach, gamay lang katama ang tiil sini kag nagagamit lang siya sang skateboard para makagiho.
Si Zach ang nangin madinalag-on sa mga masunod nga categories
- 50-meter back stroke
- 50-meter breast stroke
- 50-meter free style
Nakaligad nga 2023, nangin representate man si Zach sa Palarong Pambansa-Paragames Category.
