BACOLOD CITY-Ginahulat karon ang sabat ni Punong Barangay Noli Villarosa sang Brgy. Tangub, Bacolod City sa anom ka bulan nga suspension nga gindagdag sang Office of the Ombudsman Visayas for conduct prejudicial for the best interest of the service.
Ini nga mga reklamo ang ginpasaka ni Kagawad Katrina Joan Sonota kag anay kagawad man Dindo Amadeo sadtong July 18, 2022. Upod sa ginpasakaan reklamo si Villarosa, Barangay Kagawad Luz Atienza, former kagawad naman Jose Rey Pendon kag anay treasurer sang barangay kag karon secretary na nga si Ma. Teresa Domadiego.
Si Villarosa kag Domadiego ang suspendido sa sulod sang anom ka bulan kag isa ka adlaw nga wala sang sweldo. Samtang ang administrative charges batok kay Pendon kag Atienza ang gin-dismiss bangud sang kakulang sang ebidensiya. Santo sa reklamo sang mga complainants, si Villarosa ang involved sa unregistered business nga ginapanag-iyahan sang iya asawa/partner nga si Marilou Magallanes.
Lakip sa reklamo sang duha ka kagawad amo nga ginapaguwa ni Villarosa nga delay ang sweldo sang mga empleyado sang barangay. Diri na kag nagapautang si Magallanes kag may yara sang interest nga 10 percent. Apang ang ginapautang sa mga empleyado amo mismo ang ila sweldo nga gina-release matapos ang pila ka adlaw nga may deductions na sang ila utang. Lakip man sa complaints sang mga kagawad nga P500 ang ginabaton sang mga job order workers sang barangays sa baylo sang ila honorarium nga P2,500 kada bulan.
