Single ka bala? Basi tam-an sa imo ka gwapo!
Nakahibalo ka bala nga mas malipayon ang mga kababainhan sa mga lalaki nga “less attractive” ukon indi ka gwapuhan?
Base sa isa ka pagtuon nga ginpatigayon sang Florida State University, nahibaluan nga isa sa mga yabi para sa malipayon nga relasyon amo ang pagpili sang partner nga bisan indi pa tanto ka gwapo, importante romantiko!
Sa isa ka survey nga ginpatigayon, gin-rate isa-isa ang grupo sang 113 ka newly-wed couples base sa ila nga pisikal nga itsura.
Didto natukiban nga mas ma-effort ang mga lalaki nga indi kagwapuhan para mapaluyag ang gwapa nila nga mga partners.
Ang ini nga mga lalaki ang masami nagahatag gid sang regalo, nagapaninlo sang balay kag nagatinguha gid nga halungan ang ila mga partner.
Sa isa ka separado nga pagtuon, natukiban nga kon ang lalaki ang mas appealing ipaanggid sa mga partner sini nga babayi, masami wala ang mga kababainhan sang peace of mind kag pirmi lang nagaduda, rason ngaa nagakaguba man ang isa ka relasyon.
Mga kasama basi amo na ini ang sabat sa imo pagkabalaka kon ngaa daw wala ka gid sang nobya? Basi gwapo ka lang gid ya.
