SAGAY CITY- Magatipon sang dugang nga ebidensiya sang Negros Occidental Police Provincial Office (NOCPPO) matapos nagnegatibo sa paraffin test ang pamilya sang pulis nga upod sini sang ini ang napatay sang Abril 27, 2024 sa Purok Eba, Brgy. Andres Bonifacio, Sagay City.
Suno kay NOCPPO spokesperson Police Captain Judesses Catalogo, indi pa conclusive ang resulta sang paraffin test kag madamo sang factors kon ngaa wala nakitaan sang traces sang polbora ang kamot sang live-in partner, 7-anyos nga bata kag 12-anyos nga adopted son ni PSSgt. Lernie Alacha sang ini ang napatay.
Lakip sa ginalantaw nga rason sang NOCPPO nga wala sang traces sang polbora sa kamot sang tatlo amo nga posible malaba ang ila bayo sang natabo ang krimen, sitwasyon sa sulod sang kwarto sa diin madamo sang hinalay kag indi pa fully developed pores sa kamot sang 7-anyos nga ginatudlo amo nagluthang sa iya amay. Sa karon ginahulat man ang resulta sang autopsy mismo ni PSSgt. Alacha.
