BACOLOD CITY- Dakop ang nagabusong sang lima ka bulan sa ginpatigayon nga drug buybust operation sa Purok Gonzaga, Barangay Taculing ciudad sang Bacolod, las-3:02 sang hapon, adlaw sang Martes, Mayo 7.
Ang suspetsado ginkilala nga si Shabi Martinez, 22-anyos, kag residente sa amo nga lugar.
Ang amo nga operasyon ang ginpatigayon sang Bacolod Police Station 4, kag santo sa ila rekord, kapin 8 ka gramos sang ginapatihan shabu ang narekober sa arestado nga may standard drug price nga P54,400.
Nakaagi preso si Martinez sadtong tuig 2021 sa paglapas sang Republic Act 9165 kag nahilway sadtong Hunyo 2023.
Nahunong sa karun sa Bacolod City Police Station 4 ang arestado para nagakaigo nga disposisyon.
