BACOLOD CITY- Nagpungko na ang officer in-charge sang Brgy. Tangub sa ciudad sang Bacolod matapos gindagdagan sang anom ka bulan nga suspension si Punong Barangay Noli Villarosa.
Si Luz Atienza, first kagawad sang Tangub ang nagpungko nga OIC sang barangay kahapon nga adlaw sang Martes santo sa mando sang Department of the Interior and Local Government (DILG). Suno kay Atienza, kinahanglan nga gilayon na ini magpugko bangud sang mga transaksyon sang barangay ilabi na sa bangko.
Nahibaluan nga kalakip si Atienza sa mga ginreklamo sa Ombudsman Visayas apang na-dismiss ang administrative charges batok diri bangud sang kakulang sang ebidensiya. Upod ni Atienza ng ana-dismiss ang charge amo si former kagawad Jose Rey Pendon. Samtang upod naman ni Villarosa nga na-suspend amo ang anay treasurer sang barangay kag karon secretary nga Ma. Teresa Domadiego.
Ginreklamo sa Office of the Ombudsman Visayas for conduct prejudicial for the best interest of the service ang apat bangud sang pagguwa sang delayed nga sweldo sang mga empleyado agod mapilitan nga magpangutang ang mga ini may 10 percent interest sa partner ni Villarosa. Lakip man reklamo ang ginabuhinan nga sweldo sang mga job order employees.
Samtang ginkumpirmar ni Secretary to the Mayor, Atty. Karol Joseph Chiu nga naserbe na kay Villarosa kahapon ang suspension order.
