Isa ka Sangguniang Kabataan (SK) Chairman sang Barangay Bandila, banwa sang Toboso ang patay matapos ini makuryente sini lamang nga aga, Mayo 8.
Ginkompirma ni Councilor Richard Jaojoco ang insidente diin ginkilala ang biktima kay Renan Tapang, 23 anyos.
Sandig sa inisyal nga pahayag ni Jaojoco, nag-ilis sang bombilya ang SK chairman pagkatapos sini paligo kag didto na natabo ang pagkakuryente sini.
10 minutos pa antis marescue ang biktima bangud kay nagpanic ang himata sini sang mabulig patay sang main switch.
Malakat pa kon tani pa banwa si Tapang agud dal-on ang listahan sang line-up sa basketball para sa event sang Toboso.
Ginhingagaw pa dala sa Ospital sa Sagay si Tapang apang gindeklarar ini nga Dead on Arrival.
