Nagapati si Bacolod Alliance for Commuters Operators and Drivers (BACOD) President Rudy Catedral nga dutay katama sang mga traditional jeepney drivers kag operators ang nag-upod sa consolidation program sang gobyerno.
Ini kasunod gin-anunsyo sang ciudad nga nag-issue na sila sang 239 ka mga QR coded stickers para sa mga nagpaconsolidate kag may uyat na karon nga provisional authority (PA) para makapadayon biyahe sa dalanon.
Pahayag ni Catedral nga may yara sang 1,747 tanan ka mga Public Utility Jeepney (PUJ) sa ciudad kag gamay lang kon lantawon ang 239 ka units nga nag-upod sa programa.
Pahayag pa sini nga bisan yara na sa 599 ka mga units ang modernized jeepney, kulang ini sa gihapon para sa mga commuters.
Dugang pa niya nga sa karon, padayon lang ang ila pagbiyahw apisar wala sila makapa-consolidate bangud nagpasalig man ang Land Transportation Office (LTO) kag Land Franchising and Regulatory Board (LTFRB) nga indi pa sila magpangdakop asta sa Mayo 15 basta pa may uyat lang ang mga ini nga registration.
