WORLD NEWS- Pilason ang napulo ka mga persona matapos nga mag-overshoot ang depasahero nga eroplano sa Dakar, Senegal.
Ang eroplano nga Boeing 737-300 ang ginapanag-iyahan sang Air Senegal nga magapadulong kuntani sa Mali, nga may sakay nga 85 sang natabo ang insidente lakip na ang duha ka mga piloto kag apat ka mga cabin crew.
Gilayon naman nga gindala sa ospital ang mga pilason sa amo nga insidente para sa nagakaigo nga pagbulong, samtang ang pila ka mga pasahero ang yara sa karun sa hotel agod magpahuway.
Nagpatigayon sang imbestigasyon ang Blaise Diagne Airport sa nagluntad nga pag-overshoot sang eroplano.
