WORLDS NEWS- Nagpasiguro si Israel Prime Minister Benjamin Netanyahu nga kaya sang pungsod magtindog nga wala sang suporta sang iban, matapos nga nagpahayag ang Estados Unidos nga posible ila paga-untaton ang pagpadala sang armas kun maga-desisyon ini nga ila paga-atakihon ang Rafah sa Gaza.
Linibo na ka mga tawo ang nag-evacuate sa Sur nga bahin sang lugar matapos nga ginsuguran sang mga militar sang Israel ang limita sang operasyon sadtong Lunes, Mayo 6.
Makapila na ka beses naghatag sang abiso si US President Joe Biden batok sa amo nga operasyon nga ini nga tikang ang makapalala sa sitwasyon.
Apang ginbasura ni Netanyahu ang abiso sang US kag ini ang nagpanindugan nga magapadayon ang pagbato sang Israel.
Sa tunga sang mga patudsada ni Netanyahu, ang gobyerno sini ang yara sa idalom sang pressure matapos nga ginsuspender sang US ang pagdeliver sang 1,800 ka mga 2,000lb nga bomba kag 1,700 ka 500lb nga bomba bangod sa pagkahangawa sang US nga ini ang maga-resulta sang pagkapatay sang mga sibilyan sa Rafah.
