BACOLOD CITY- Ginalantaw nga matapos sa 2025 ang rehabilitasyon sang Burgos Public Market sa 2025.
Sa nahibaluan nga ginaplano karun sang ciudad sang Bacolod nga ipa air-conditioned ang Burgos Public Market para sa manug baligya kag manug bakal sa merkado. Base sa pahayag ni Councilor Celia Flor, ang chairperson sang amo nga komitiba, nga tuyo sang ini nga rehabilitation nga may paghiliusa ang ciudad kag mga vendors sa luyag nga desinyo sa sulod kag gwa sang merkado.
Nagpalab-ot sang mga concerns ang mga vendors sa ciudad may angot sa proposed design sang merkado nga sila ang nagakabalaka sa mangin bill sang kuryente bangod ini ang air-conditioned apang nalakip diri ang plano sang ciudad nga sila ang maga-install sang solar panels.
Sa proposed design, indi na pagpahunugutan ang mga vendors nga magpwesto nga naga-atubang sa dalan, kag diri na ipa-implementar ang husto nga sectioning sang dry kag wet goods.
Igapahamtang man ang terminal sa tunga sang merkado agod mahagan-hagan ang pagutok sang trapiko sa lugar.
Samtang, yara sa masobra 400 milyones pesos ang budget sang amo nga proyekto nga nalakip sa Development Bank of the Philippines (DBP) loan sang ciudad.
