WORLD NEWS- Nagmando ang pungsod Israel nga magpahamtang sang dugang nga evacuation center bangod ila ginsiling sa mga Palestinians nga sila ang maghalin sa Rafah samtang mas naga-baskog ang operasyon sang militar sa Sur nga bahin sang Gaza.
Pinaagi sa pagdagdag sang mga flyers nagikan sa kahawaan kag pag-post sa social media ila ginpabalo ang mga residente sa East portion sang ciudad nga magpadulong sa al-Mawasi kun sa diin nahamtang ang mga evacuation center.
Sa pila ka dalanon sang Rafah nga sadto puno sang mga lokal sang tinalikdan nga mga inadlaw, subong kaangay na ini nga ghost town. Magapadayon ang Israel sang ila plano nga operasyon sa Rafah bisan may abiso na sila nagikan sa US kag iban nga mga kapartido sini nga posible sa amo nga tikang madamo sang mga sibilyan ang maulamid kag maga-resulta sang humanitarian crisis.
Ginsiling ni US President Joe Biden sadtong Sabado, Mayo 11, nga posible maga patigayun sang ceasefire sa Gaza sa masunod nga inadlaw kun iga-hilway sang Hamas ang mga hostages sini.
