Ginmandu ni Bacolod City Mayor Alfredo Benitez ang imbestigasyon angut sa asud-asod nga aksidente nga nagluntad sa ginakay-o nga dalan sa Hacienda Guanzon, Barangay Mansilingan sini nga bulan sang Mayo.
Apat ka mga persona nga lunsay nagasakay sang motorsiklo ang naaksidente sa amo nga road widening project sang Department of Public Works and Highways sa amo nga lugar sini lang nga Mayo sa diin isa ang napatay.
Base sa report nga nakalab-ut sa alkalde, wala sang may ginbutang nga early warning device sa amo nga proyekto antes pa man natabu ang mga aksidente.
Iya man ipausisa ang compliance sang contractor nga nagaobra sang amo nga proyekto.
