BACOLOD CITY- Nagareklamo karon ang pumuluyo sa mabaho nga drainage sa Brgy. Banago, Bacolod City. Ang mabaho nga drainage ang nagaapekto sa mga residente sa GK Village, Zone 3, Tinagong Paraiso kag Purok Riverside.
Ang drainage nagalaba sang 300 meters, nagalapad sang 10 meters kag nagadalom naman sang 6 feet. Nakalab-ot na sa Barangay Environment and Natural Resources Offices (BENRO) kag City Health Office (CHO) ang reklamo sang mga residente.
Suno kay Punong Barangay Baldo Benjamin, ang BENRO kag CHO ang nagpatigayon naman sang inspection particular sa isa ka soft drinks company sa Brgy. Bata kon may higko nga nagahalin sa ila nga planta.
Ginahulat karon ang resulta sang nasambit nga inspection. Ginaplano man sang kapitan nga ipa-backhoe ang lunang sa drainage.
