BACOLOD CITY- Maga-resume na ang dakpanay sang illegal e-bikes sa ciudad sa Mayo 24, 2024.
Si Mayor Albee Benitez ang nagsapol na sa mga punong barangay agod nga i-remind ang mga ini nga magsunod sa Memorandum Circular (MC) 2020-036 sang Department of the Interior and Local Government (DILG) sa diin ginadumilian ang mga traysikol, pedicabs kag motorized pedicabs nga mag-operate sa national highways kag subong man mag-submit sang accredited e-bike operators sa mga barangay.
Ang barangays 18,12,13,14,16,17, 22, 34, 35, 36, 38, 40, Banago, Bata, Cabug, Estefania, Felisa, Handumanan, Granada , Pahanocoy, Vista Alegre kag Villamonte ang nag-submit na sang listahan sa ciudad.
Ang listahan amo ang basehan sang paghatag authority to operate sa mga e-bikes sa ila mga barangays. Tubtob na lang sa May 20 ang pagbaton sang listahan.
Sa Mayo 24, magasugod na ang Bacolod Traffic Authority Office (BTAO) sa pagpangdakop sang mga e-bikes nga wala sang nagakaigo nga permits.
