BACOLOD CITY- Ginaduso ni Mayor Albee Benitez nga sayluhon sa propiedad sang ciudad sa Brgy. Granada ang Bureau of Jail Management and Penology (BJMP) Male Dormitory nga karon nahamtang sa Brgy. Sincang sa compound sang Bacolod City Police Office (BCPO).
Ini matapos nga ginbisita sang alkalde ang BJMP Male Dormitory sang Sabado agod lantawon ang sitwasyon sang mga Person Deprived of Liberty (PDLs) kag diri nakita nga “overcrowded” ukon tuman kagutok ang pasilidad.
Sa karon, yara na sa kapin 700 ang PDLs sa lugar apisar 300 lang ang kapasidad sini. Mismo ang mga BJMP personnel nga kuntani makasaylo sila sa dako nga lugar. Suno kay Benitez, ang ini nga mga PDL ang dapat man trataron sang maayo bangud inosente sa gihapon ang mga ini samtang indi pa makabig nga convicted.
Ang duta sa Brgy. Granada nga ginapanag-iyahan sang city government ang nagalapad sang kapin isa ka ektarya.
