BACOLOD CITY- Pilason ang isa ka driver kag apat ka mga unit sang traditional jeepney ang na damage matapos ang kinagamo nga nagluntad sa pagpatigayon sang rally protesta sa dalan Araneta ciudad sang Bacolod.
Base sa interview sang DYHB kay Police Major Eugene Tolentino, ang Station Commander sang Police Station 8, nga nagpadulong ng apat ka mga driver agod mag file sang complaint batok sa pila ka mga drivers nga gina-alegar nagpang-harass.
Nahibaluan nga ang amo nga mga driver ang wala nag untat biyahe kag nagbuylog sa rally protesta nga ginpatigayon.
Una na nga ginpahayag ni BACOD President, Rudy Catedral, ila ginparahan ang isa ka jeepney drive nga miyembro sang KNETCO agud ayu-on nga mag upod sa ila mag untat biyahe bangud basi pangdakpon sila sang Land Transportation Office ( LTO).
Sa iya panaysayon, ginpahayag ni Catedral nga sang ila ginparahan ang jeepney driver kag gin istorya, nag lumpat ini sa iya salakyan kag hinali lang ginli-ab ang nagpara sa iya.
