BACOLOD CITY- Ginaduso karon ni Bacolod Councilor Em Ang nga ang mga barangay sa ciudad sang Bacolod ang magpain sang 1 percent sang ila pondo para sa mga senior citizen kag Person with Disability (PWDS).
Ginpahayag sang konsehal nga tinutuyo sang ordinansa nga matutukan ang mga senior citizens kag PWDs sa mga barangay sa ciudad.
Suno pa sa konsehal, 2003 pa sang nag-isyu ang Department of the Interior and Local Government (DILG) sang memorandum circular nga nagahingyo sa mga barangay nga magpain sang 1% sang ila pondo para sa nasambit nga mga sektor.
Ang proposed ordinance ni Councilor Ang natalana na ipasulod sa second reading sa city council.
