WORLD NEWS- Patay ang Presidente sang pungsod Iran nga si Ebrahim Raisi, 63-anyos ang edad, matapos nga naghugpaas ang ginsakyan nga helicopter sa Dizmar forest sa bahin sang probinsya sang Azerbaijani sa pungsod Iran, sadtong Domingo, Mayo 19.
Kaupod sang Presidente ang pito kag iban pa nga nagtaliwan sa amo nga trahedya nga nasapwan na lamang kahapon nga adlaw, Mayo 20.
Una na nga ginpahayag nga naghugpaas ang helicopter bangod sa malain nga tiempo ka madamol nga fog sa kahawaan.
Nahibaluan nga magapadulong kuntani ang presidente kag pila ka mga opisyal sa ciudad sang Tabriz, sa bahin sang north-western sang pungsod.
Luwas naman sa kataglaman ang sakay sa duha ka mga convoy nga helicopter.
Sa karun nagapungko bilang acting president sang pungsod amo ang bise-presidente nga Mohammad Mokhber.
