CALATRAVA- Ginluthang patay ang tiyo matapos matapos nga nagpadulong sa gina-alegar nakontra sang iya hinablos sa Barangay Pantao banwa sang Calatrava sadtong Sabado sang kaagahon, Mayo 18.
Ang biktima ginkilala nga si William Arobo Jr., 38-anyos, driver, kag residente sang Brgy. Tigbao sa amo nga banwa. Base sa interview sang DYHB kay Police Major Ronald Santillan, hepe sang Calatrava PNP, nagtambong sa kapiyestahan ang biktima kaupod ang iya ka live-in partner, kun sa diin nagpadulong ang hinablos sang biktima agod magpangayo sang bulig bangod siya ang nakapangita sang kontra sa amo nga kahiwatan.
Makaligad ang pila ka minuto, nakabaton sang impormasyon ang live-in partner nga ginluthang si Arobo sang wala makilal-an nga suspetsado.
Ginhingagaw dala sa ospital si Arobo apang siya ang gindeklarar nga dead on arrival.
Narekober sa crime scene ang isa ka basiyo sang wala matumod nga armas luthang kag duha ka mga slugs. Dugang pa ni PMaj.
Santillan, sila ang may yara na sang person of interest sa nagluntad nga insidente kag nagapadayon nga imbestigasyon.
