BAGO CITY-Ginahulat sa gihapon sang kapulisan ang desisyon sang pamilya kon pasakaan kaso ang 17-anyos nga aksidente nakaluthang-patay sa iya mismo abyan sa Purok Kabatohan, Barangay Tabunan, ciudad sang Bago, kapin las-10 sang gab-i, adlaw sang Domingo, Mayo 19.
Suno kay Police Master Sergeant Erwin Jamandre, investigator on case sang Bago City Police Station, yara pa sa half-way home ang 17-anyos nga suspek kag gina-supervise karon sang Department of Social Welfare and Development (DSWD).
Ginahulat man sang Bago CPS ang case study sang DSWD sa suspek kon bala ini ang may discernment sang naglupok ang armas nga ginkuha sini kag naigo ang biktima kag iya abyan nga si Rodemel Gantalao.
Nahibaluan nga armas ang ginapanag-iyahan sang step father sang suspek nga yara sa comatose state sa karon bangud sang aksidente.
