BACOLOD CITY- Patay ang isa ka lalaki nga nagatrabaho sa R&S Funeral Parlor matapos nga nakuryente sa Purok Nami-Nami Uno Barangay Sum-ag ciudad sang Bacolod, adlaw sang Miyerkules, Mayo 22.
Ang biktima ginkilala nga si Jennefer Raynon, lalaki, 44-anyos, kag naga-istar sa amo nga punerarya.
Base sa interview sang DYHB kay Police Captain Michael Tuburan, Station Commander sang Bacolod City Police Station 9, samtang may ginakay-o nga extension wire ang biktima para sa ila nga kwarto, may uyat ini nga martilyo kag posible may nakaptan ini nga live wire, amo nga nakuryente si Raynon.
Gilayon gindala sa ospital si Raynon apang makaligad ang pila ka minuto, nadulaan ini sang kabuhi.
