Ginpresentar ni Negros Occidental Governor Eugenio Jose “Bong” Lacson ang Bulk Water Supply Project kag Provincial Water Security Road Map sa pagbisita sini sa Bali, Indonesia nakaligad nga Mayo 20 tubtob 23.
Si Lacson ang gin-imbetahan sang United States Agency for International Development (USAID) kag World Bank agud ipresentar ang mga nasiling nga plano.
Pahayag pa ni Lacson nga nagpasalig man ang USAID nga padayunon sini ang ila programa sa Negros. Dugang pa, gin-ayo man sang gobernador ang World Bank kun sarang ini maka-introduce sang isa ka financial package para sa water security.
Paathag sang gobernador nga counterpart nila sa gihapon ang mga Local Government Unit (LGU) sang probinsya.
